Xirap ani her nnov kotha

book synopsis/description:

Ben Antao-chem don bhasamnim (English-Konknni) boroil’lem,dha kothanchem pustok Dezembr 1, 2012, disa uzvadda ailea uprant, lovkik Konknni borovpi ani Sahitya Akedemi puroskar jikhpi Damodar Mauzo-n oxem mhonnllem: “Ben Antao zorui Inglixin boroita torui tacheo kotha Konknnich astat. Hanv sodanch mandit ailam ki tantunt Goy asa, Goykar asa tani Konknni kotha Inglix bhaxent sangil’lea bhaxen distat. Taka Konknnicho mog asa ani taka Konknni bori ieta. Ben-an hem probhavik pustok porgottlam, ani kam’ borem zalam, mhaka zalear oxem dista.”

Ben Antao ho Velim ganvant zolmolo. To poilo ek potrokar aslo, magir xikovpi, uprant borovpi, ani duddu yevzonn korpi zalo. Atam to Toronto, Kanadak ravta. Mumbaichea universidadintlean to sufoll zalo M.A.Inglezin. Magir potrokarachem kam kelem Navhind Times potracher, Ponnje (1963-64) ani Indian Express portracher, Mumbai (1965-66). 1966 vorsant taka ek potrachem inam mevlem, hem inam dilolem World Press Instituteason to Amerikanchea St. Paul, Minnesota ganvant. Hem inama vixim taka ek voros bhor xikpak ani bhonvddi marunk Amerikak favo zalo. 1967 vorsant to Kanadak gelo.Thoim taka chakri mevlli Catholic Register potracher ani Globe and Mail potracher, him donuim potram Toronto ganvant asai. 1976 vorsant tannem Toronto Universidadintlean B.Ed diplom ghevn to xikovpi zalo Inglez xikovnk vhoddle iskolant. Magir 1998 vorsant to ritaer zalo. Canadian Authors Association, Toronto Branch-acho to prezident aslo. Ben ani tachi bail Marinella hankam ek put asa, Martin nanv ancho.